Sunday, December 22, 2013

බර්මියුඩා ත්‍රිකෝණයේ සැඟවී ගිය Flight 19 බලගණය

දිනය: 1945 දෙසැම්බර් 5
වේලාව: සවස 4.30 ට පමණ
ස්ථානය: බර්මියුඩා ත්‍රිකෝණය ඉහළ අහස
මෙහෙයුම: Navigation Problem Number One
පාලක මැදිරිය: ෆ්ලොරීඩා හි NAS Fort Lauderdale ගුවන් පාලක මධ්‍යස්‌ථානය

"පාලක මැදිරිය, මේ Flight 19 බලගණයේ FT-36 ගුවන් යානය යි. අවසන් බෝම්බය ඉලක්කය වෙත පතිත කිරීමට සූදානම්."
"FT-36, ඔබට අවසර ලැබෙනවා."
"බෝම්බය සාර්ථකව පතිත වුණා. මෙහෙයුම සාර්ථකයි. Flight 19 බලගණය නැවත මූලස්ථානය වෙත පැමිණෙනවා."

Saturday, December 21, 2013

හඳුනා නොගත් පියාසර වස්තු සම්බන්ධ පර්යේෂණ ව්‍යාපෘති

෴සයින් ව්‍යාපෘති කමිටුව෴
                                    පිටසක්වළ ජීවය පිළිබඳව මිනිසා සිත යොමන්නට පටන් ගත්තේ ඈත අතීතයේ සිටම වුවද, එය උන්මාදයක් වන තරමටම පැතිරී ගියේ 1950 දශකයේ මුල් භාගයේ සිටය. එම කාල වකවානුවේදීම මෙවැනි සිදුවීම් විශ්ලේෂණය කිරීම සඳහා විවිධ පර්යේෂණ ව්‍යාපෘතීන් ආරම්භ කෙරුණි. මින් බහුතරයක් ඇමෙරිකාවේදී ක්‍රියාත්මක කෙරුණු අතර ඒවාද සියල්ලම පාහේ ඇමෙරිකානු ගුවන් හමුදාව යටතේ පැවතිණි. ඒවා පහත දැක්වේ.






Saturday, November 30, 2013

පියාඹන පීරිසි..??? |දෙවන කොටස|

"අමුතුම හැඩයකින් යුතු වස්තූන් කිහිපයක් ඉහළ අහසේ ගමන් ගනිමින් තිබුණා. මේවා අධික වේගයකින් ගමන් කළත් කිසිදු ශබ්දයක් නිකුත් වූයේ නැහැ."

"මගේ ගුවන් යානය පසුපස අති දීප්තිමත් ගෝලාකාර ආලෝකයක් හඹා එමින් තිබුණා. විනාඩි කිහිපයක් පුරාවට ගුවන් යානය ඉලක්ක කරගෙනම පැමිණි මේ අභිරහස් ආලෝකය ඊළඟ මොහොතේදී අතුරුදන් වුණා."

"දහවල් කාලයකදී මෙන් හාත්පස ඒකාලෝක කරමින් විශාල යානයක් ගෙවත්තේ නවතා තිබුණා. එක්වරම ඉන් පිටතට ඇරුණු දොරක් වැනි යමකින් මා කිසිදාක දැක නොමැති ආකාරයේ ජීවීන් කිහිප දෙනෙක් එළියට පැමිණියා."

Tuesday, November 12, 2013

පියාඹන පීරිසි..??? |පළමු කොටස|

අද වනවිට ඕනෑම පුද්ගලයෙකු, "පියාඹන පීරිසියක්" යැයි කියූ පමණින් මේ කතා කරන්නේ කුමක් ගැනදැයි වටහා ගැනීමට තරම් මෙම වචනය ප්‍රචලිත වී තිබේ. එහෙත් වඩාත් හොඳින් විමසා බැලුවහොත් මෙම වචනය යෙදීම යම් පමණකට දෝෂසහගත බව පෙනී යනු ඇත. මුල් ලිපියේ ද සඳහන් වී ඇති ආකාරයට "පියාඹන පීරිසි" යන වදන බිහිවූයේ 1947 දී කෙනත් ආර්නල්ඩ් කළ ප්‍රකාශයක් හරහාය. නමුත් මේ  වනවිට ලොව පුරා විවිධ ස්ථානයන්ගෙන් වාර්තා වී ඇති සිදුවීම් වලින් 'පීරිසියක්' හැඩැති වස්තූන් පිළිබඳව වාර්තා වන්නේ (ඒවා සත්‍ය ද, අසත්‍ය ද යන්න වෙනමම සාකච්ඡා කළයුතු මාතෘකාවකි.) අල්ප වශයෙනි. ඒ අනුව අප වටහා ගත යුත්තේ පියාඹන පීරිසි යනු වාර්තාගත සිද්ධීන් සමුදායක් අතර ඇති උප කොට්ඨාශයක් පමණක් වන බවයි.

Wednesday, October 30, 2013

ගමනක ආරම්භය...!

෴කෙනත් ගේ අත්දැකීම චිත්‍ර ශිල්පියෙකු ගේ ඇසින්෴
‍‍‍"මම ඒ වෙලාවේ මගේ ගුවන් යානය පදවමින් සිටියේ රේනියර් කන්ද අසල ඇති කුඩා ගමකට අඩි 2000 ක් ඉහළ අහසේ. ඊළඟ මොහොතේ මම ගුවන් යානය වටයක් කරකවා සෙමින් ඉහළට නැග්ගේ කන්ද වටා තවත් වරක් යෑමේ බලාපොරොත්තුවෙන්. අඩි 9200 මට්ටමට ඉහළ නැගීමෙන් පසු එක්වරම අතිවිශාල ආලෝකයක් මගේ ඇස් මතට වැටුනා. එක් මොහොතකට මට සිතුණේ එය මා අසලින්ම ගමන් කල යුධ ගුවන් යානයකින් පරාවර්තනය වූ ආලෝකයක් බවයි. එහෙත් ඊළඟට මට වැටහී ගියා ඒ අදහස වැරදි බව. ආලෝකය නිකුත් වෙමින් තිබුණේ උතුරින් පිහිටි බේකර් කන්ද දෙසින් ඇඩම්ස් කන්ද හරහා රේනියර් කන්ද වෙත වේගයෙන් ළඟා වෙමින් තිබුණු අමුතුම ආකාරයේ වස්තූන් 9 කින්. පැයට සැතපුම් දහස් ගණනක වේගයකින් පැමිණි මේවා දිස් වුණේ හරියටම පීරිසියක් ජලය මත ලිස්සා යන ආකාරයට."